Perfil de pratimapratima's spaceFotosBlogListasMás  |  Herramientas Ayuda |
|
10 junio likhne ke nishan chaand par likhna chaha kuch khas magar... chaha use mitakar kuch naya likhun... 28 marzo jodhpurHi doston...
kaise hain aap sab!!
I know main ek behad alsi insaan hun jo apne space ko regularly update nahin karti....hmm...lekin kya karun....bahut se kaam hum yun hi karte hain...kum se kum....blog to sirf dil se karen...kyun...
hmm....to yahan main kuch pictures post kar rahi hun jo Jodhpur ki fabric printing industry ki hain.....aap ko dekhkar hairani hogi ki internationaly jo fabrics aur garments export hote hain...woh actualy print kitne simple log karte hain....aur kitne kum resoursec ke sath..... 23 enero naukri Hi doston........khushi hoti hai itne dinon baad space par aapke comments dekhkar..Thanks!!...hmm...kya kar rahi hun ajkal.......kaam kaam aur..kaam yani sirf naukri.....
aaspas logon ko dekhti hun....zindgi basar karne ke liye naukri karte hain ...aur phir naukri hi zindgi bun jati hai....achi baat to nahin ...lekin sach hai.....meri zindgi bhi bus naukri tak simat kar rah gayee hai.......ye kavita likhi to kuch waqt pahle thi............naukri ek hath gadi ki tarah hai.....aap kya kahte hain...........
chaha hai
vartaman se palayan karna
kai baar.....
aur panah lena
khushiyon aur sukoon se dhake
santushti ke parwaton ki chaon mein
lekin
apni lalsaon ko
dhota raha
hathgadi ki tarah
kai prayatnon ke baad bhi
na ho paye alag....
main aur hath gadi...
kabhi main use
aur
kabhi woh mujhe
dhakelte rahe neeche
dhalanon se
nirantar ....
chudane par bhi nahin chootate
hath mere hath gadi se
ki ab to
mere wajood se bhi bada hai
wajood
hath gadi ka!!
01 enero Happy New yearHello doston!!!
sabko naya saal bahut bahut mubarak !!!!
hmm....to aap ne kaise swagat kiya naye saal ka ....aur kaise vida kiya purane saal ko?
........pana nahin kitne salon se main kuch doston ke sath zordar party karte hue.....naye saal ka swagat karti thi...lekin.... happy new year wish karne ke baad kuch pal aise zaroor hote they jo akelye hote they.....is baar socha....naye saal ko purane dost ki tarah kyun na vida karun aur naye ko bhi gahri atmiyata se h swagat karun......
is liye apne computer par ek classic film dekhte hua purane saal ke antim lamhon ko muthi me bhar ke soo gayee........aur jab uthi to naya saal meethi si sardi liye muskura raha tha........garam chai ka cup lekar chat par gayee....aur dekha......
kabootar...gilahriyan...laddoo se bane hue sardi ko anubhav kar sahe hain........subah ki dhundh.......vatavaran ko sapnela kar deti hai........phir mobile dekha....10-12 sms.......
aur kyachaiye life mein......subah ki sardi ..aur garamagaram chai.....sath main aloo ke parathe.....phir doston ki wishes....
HAPPY NEW YEAR !!! 04 diciembre lifezindgi mein kuch pal aise hote hain ki ap unhen bhool nahi pate.......un palon ko khas banane ke liye....bahut si aam baten kafi hoti hain.
pichle dinon khushkismati se main ek aise hi ehsas se guzri.....
Ramwshwaram se kareeb 15 km door Bharat Shrilanka ki seema par ek chota mchuaron ka gaon hai....gaon bhi nahin basti kush patton se bane jhopde...lekin inme rahne wale.....behad khoobsoorat insan!!
ek tourist guide mujhe tourist ki tarah yahan le gaya....lekin jis chote se truck mein tourist India shrilanka ki seema ko choone ke romance ke sath ayee they...kuch hi der main wapas chale gaye.....samandar ka shant kinara aur machuayon
ko dekhne ke liye main wahin ruk gayi.....
ye basti samundar ke ekdam kinare hai...bijli nahi hai yahan....school ke naam par bhi ek choti si boundry....jahan 5th tak bache padhte hain....Koi Doctor nahin.....peene ke pani ke liye zammen mein do ya teen foot gahre kuch gadhdhe..jisme saaf meetha pani hai....
aur as pas athah samandar ki tarah yahan ke logon ke dilon mein pyar ka samandar hai......
chehre par muskaan.....aur khule huye dil... sath mein pani nahin tha aur subah se kuch khane ka mauka bhi nahin mila tha.......Kanna (guide) ye jankar mujhe ek pariwar se milne le gaya...un logon ne jitne apne pan se mujhe apne ghar mein bithaya....apne sath rahne ka agrah kiya...pyar se cahi pilayee.....bhasha samajh na ane par bhi bahut si baten ki.....phir ane ke liye pyar se zid ki...
aaj bhi lagta hai jaise ek rishta hai.........shayad kisi beete janam ka......ye shayad ane wale janam ka kaun jane........
01 diciembre zindgi Bahut Dinon se kuch aisa nahin hua zindgi mein jisa likhun....share karun sabse..........phir bhi dost mujhe bhool na jayen isliye album add ki hai......Ganga.....jo bahut se ligon ke liye ek nadi nahin Maa hai..mere liye ek sakha......uske kuch roop album ganga main....
16 octubre main aur tum kshitij sakshi hai
Dharti Akash ki tarah...
Dharti aur Akash ke beech
kewal
main aur Tum hi nahin
bahut se 'Main' aur "Tum'
uljhe hain
zindgi ke chor khojne main...
ek doosre ki auor
hath badhaye.......
ekdoosre se
ummed lagaye.......
nirantar door hote ek doosre se....... 24 septiembre uska ek aur dinUse guzre Saal nahin guzra abhi........zindgi ruk gayee.....phir bhi nahin ruki....uljhi si khichi ja rahi hai....
Do bachon ki zimmedari, rozmarra ke kharch...sabne milkar jakad rakha hai.....shahar ke sath...zindgi ke sath ...mumbai ke sath..aur woh jaise subah sham local train ki bheed ke bech ghiri apne aap chali ja rahi hai........
kahin sukoon nahin milta...koshish to karti hai........isi koshish mein aaj bachon ko layee hai ghumane........is sea beach par.....promise jo kiya tha...hmm......Veenu ko bhel chahiye...Peehu ko vada pao.........Veenu swimimng karna chahta hai to Peehu reet se ghar banana chahti hai.....
woh dekh rahi hai...sun rahi hai..chehre par muskan bhi chipka rakhi hai......phir bhi kahin door hai..........jaise jud ho gayee ho...aas pas ki duniya guzar rahi hai...par woh jaise kanch ke cubical mein band hai.......sabhi kuch paas se guzar jata hai......use kuch choo nahin pata.......
hawa bhi nahin..........
Mamma dekho Veenu ne mera ghar tod diya ..........Peehu ne use wapas jod diya tha tha vartaman se...........uski ankhon mein ansoo they...aur Veenu ki ankhon mein shararat.....
Usne aspas dekha sham dhal rahi thi .........."Chalo ab ghar chalen"
-----Nahin Mumma.......poora sun set dekhne ke baad.......Peehu ne zid ki......
Teenon sooraj ko gend k tarah samundar mein doobta dekhne lage...........
----mamma...ye sunset ki golden light Photography ke liye best hoti hai na....Peehu ne dadi umma ki tarah kaha...
"tumhe kisne bataya ?"
Papa ne......
----Mamma papa ki yaad ati hai.......Veenu runansa ho gaya....
"papa to hamare sath hain beta.......jo earth se chale jate hain woh star bun jate hain"
"han mamma...dekho woh star ....woh papa hain na....!!"
"Haan'
" I Love you papa" Veenu ne ek flying kiss asmaan ki aour uchala.......
I love you papa.......Peehu ne sirf smile kiya.........
dono maa se lipat gaye.....
uski ankhon mein Chamkeele ansoo they........
Ek aur din guzar utar gaya ta........kisi karz ki tarah......... 10 septiembre Vishnu ki Discovery......Vishnu ka manpasand kaam hai........ji haan vedio games...........Vishnu ek sabse smart aor inteligent insan ko janta hai....uske PAPA !!
Vishnu ke Papa sabse smart kyun hai..???? hmmmm woh 15 August wale din patang uda sakte hain..........sabse uunchi......aur sirf simple patang hi nahin.........Raat ko candle wali patang bhi.....Vishnu ke saah Vedio games khelte hain...........aur vishnu ke best friend bhi hain....
lekin ye episode patang ka nahin........15 August ka bhi nahin........Discovery cahnel ka hai...
Vishnu Papa ke sath Discovery chanel dekh raha tha......wild life ke illigal shikar ke bare mein. ek documentry... ............. programe mein police ne kuch shikariyon ko tiger skin ke sath giraftaar kiya tha...........bag se tiger skin nikal kar display kiya ja raha tha........vishnu...ne papa ko dekha...aou ankhen badi karke bola...HAAN PAPA PATA CHAL GAYA MUJHE........IN LOGON NE SHER KI HAWA NIKAL KAR USE BAG MEIN BAND KAR DIYA..........aab intelligent papa kya kahte.......haha........aap kya kahte hain... 07 septiembre vishnu ka happy birthday..Vishnu kal 5 years ka ho gaya !! ..hmm...5 years ka hona kitne garv ki baat hai......(pata nahin kub hum Umr badhne par khush hota band kar dete hain........)...aur aab Vishnu...Krish banna chanta hai.....birthday cake par likha hai 'happy birthday Vinsnu Krish'...sabko hidayat deta hai Vishnu...sub mujhe Krish bolo.....main ab 5 years ka ho gaya hun....
Dada ji ka gift Vishnu hi nahin uske papa ko bhi bahut pasand aya......Lekin Vishnu sabko bata hai....Birthday par Hawan karna padta hai...nanaji karte hain..!!
Kuch dinon pahle Vishnu.......janmashtami par Krishn leela ki jahankiyan dekhne gaya...dadi ji ke sath.........aur wapas aa kar bola.....'
papa woh band aid se pahle kya lagate hai.....?
papa ne guess kiya---savlon.....!
han ...Par savlon kisse lagate hai...?
papa--cotton?
Vishnu khush ho kar bola...'.han....woh baby puppet cotton kha raha tha..!!!'
...hmm...nahin samjhe aap bhi..hehe...Vishnu ko koi buddhu nahin bana sakta......Krish baal roop mein makhan kha rahe they....aur makhan cotton se bana tha...Jhanki mein...!!
ye tha...MALGUDI DAYS..nahin...VISHNU DAYs ka ek episode..... 04 septiembre devdas ....windows live spaces is too...slow......
hmm....Dev das dekhi....Dilip kumar..Vaijanti mala...
ek achi ...bahut achi film......lekin samajh mein nahin aya......Dev das mein aisa kya tha,,,ki paro...(parvati) aur Chandra mukhi uski deevani theen.........aur kyun Dev das....dono ko paa kar bhi bhatakta raha.........bhagta raha......sharab mein doobta raha.......agar us waqt ke samaj ko zimedar manen...to kyun davdas ke ane ki khabar pate hi Paro palki lekar uski khoj khabar lene pahunch jati......aur Chandra mukhi bhi....Devdas ka samachar na milne par...uski khoj mein uske ghar chali gayee.......
Hamesha aurat ko samaj ne bandh kar...daba kar akha..phir bhi.......kadam badhane ki jub baat ayee....Paro aur Chandramukhi age ayee....Devdas bhagta raha..........
apka kya khayal hai... 31 agosto kuch nahin... aaj kuch nahin hai....
kuch bhi nahin zahen main.....
pata nahin kyun......
dil main...dimag main..
..kuch nahin....
aaj kuch nahin kahna......
.shayad.....
.kuch bhi nahin.......
kuch acha nahin...
bura nahin....
kahli nahin...
bharanahn...
bus kuch nahin yun hi...
.aaj kuch bhi nahin....
kya sach mein kuch nahin???? 29 agosto Madhumati...hmm...i thought i was the only one facing this problem with MSN......its become veryy slow with live spaces........
slow se mujhe yaad ata hai doordarshan.....if you compare Doordarshan with the fast moving channels on TV...hmm...kya kahen
 .........but this sunday..........while surfing channels i came across National TV....'Madhumati' was the movie...........Bimal Roy...if i am not wrong.......was the director........aur songs.....ho ya music...ya story...saab bus bemisaal hai ....pahadon par dhundh mein ...payal ki chum chum....aur..madhumati ka sirf jahlak.....lekin atma ko bandh lene wali awaz....... black n white hote huye bhi sabhi khoobsurat rangon ko aap mahsoos kar sakte hain..............aur ye gana to mera all time favourate hai....... main to kabse khadi is paar
ye ankhiyan thak gayee panth nihar ..
aja re...
pardesi...
tum sang janam janam ke phere
bhool gaye kyun
sajan mere...
tadpat hun main
sanjh savere..............ajaa re..ee... pardeshi...
main nadiya
phir bhi main pyasi..
bhed ye gahra..
baat zarasi...
bin tere har saans udasi.......aja re pardesi.....
 ...............hmm...........agar aap abhi tak padh rahe hain... to shayad ye shabd bhi apko ache lagen......
woh to chup chup ke bansari bajaye...sunaye mohe masti me dooba hua rag re....
mohe taaron ki chanw mein bulaye, churaye meri nidiya main rah jaun jag re...
lage din chota raat badi......
julmi sangh ankh ladi.....sakhi main ka se kahun.....ri sakhi ka se kahun....jane kaisi ye phans gadi....
baton baton mein rog badha jaye, hamara jiya tadpe kisis ke liye sham se...
mera pagalpana to koi dekhe ,pukarun main chanda ko sajan ke naam se...
phiri mun pe jadoo ki chadi.....
AGAR AAP INTERESTED HON TO COMMING SUNDAY....12.30 PM.....DOORDARSHAN PAR...HAN JI...DOORDARSHAN PAR AAP DEKH SAKTE HAIN....'DEVDAS'........BIMAL ROY KI DEVDAS.......DILIP KUMAR....VAIJANTI MALA....ding dong............
24 agosto untitled roz bulati hun...
baithati hun paas...
pheeki muskaan ka lollipop dekar
sahlati hun sar uska...
choomti hun matha...
pyar se machalta hai..
thunakta hai...
main mantramugdh..
apne matmaile anchal par
kheench leti hun uska aks...
khelta hai mere lawn main
beete pahar tak..
phir soo jata hai
meri goud main..
masoomiyat se
ye dard hi to hai..
jo pakadkar meri ungli
chalega door tak...
manzil ke age ...
dhalti shaam ke us paar...
parchaiyon ki deewaron ko langhkar..
door wahan...
jahan hai..
dera suraj ka!! baithati hun paas...
pheeki muskaan ka lollipop dekar
sahlati hun sar uska...
choomti hun matha...
pyar se machalta hai..
thunakta hai...
main mantramugdh..
apne matmaile anchal par
kheench leti hun uska aks...
khelta hai mere lawn main
beete pahar tak..
phir soo jata hai
meri goud main..
masoomiyat se
ye dard hi to hai..
jo pakadkar meri unli
chalega door tak...
manzil ke age ...
dhalti shaam ke us paar...
parchaiyon ki deewaron ko langhkar..
door wahan...
jahan hai..
dera suraj ka!!
13 agosto dhartitum druv tara ho.....
hur raat
chamakne ke liye
sthir...
Main
kewal dharti...
nadiyan...jharne...jungle..khoh.......parwat...
jo..jub ...jaise chahe...
aye ..jaye..
mujhse guzar kar...
banaye apne apne raste...
main..
kewal
dharti !!! 20 julio तुम्हारे पदचिन्हरेत के इस टिले पर,
बैठी सोचती रही हूँ कि मिट जाऍगे ,,,, धीरे धीरे ये पद चिंह स्वयं ही जब हवा चलेगी समय की, लेकिन बढती धूप के साथ ये धँसते गए गहराते गए --- रात की ओस बूँद बूँद एकत्र हो, सींचती रही मरूथल को , सारी धरती पर कोंपल उग आईं , पर----- वो रेत अब भी रेत है, जहाँ हैं तुम्हारे पदचिन्ह ।। 15 julio untitledmain..... tum ....aur tum bhi
aao milkar
phir ekatrit karen..
tukde..katrane aur frame...
apne rang birange sapnon ke...
veh kitne bhi
badrang ...chaknachoor kyun na hon
unke kuch awshesh
to honge hi....
aao
unhen batoren
joden...chipkayen..
unka mool swaroop
wapas aa na paye shayad
phir bhi...
inse bayen hum
ek adhunik...yatharthwadi
collage..
aur pradarshit karen
use duniya ke samaksh
ek
amooly kalakriti ke roop mein
12 julio aajaaj dilli mein barish ka doosra din tha.....khubsoorat....kyunki mujhe barish pasand hai....bahut pasand hai........hmm.....raston par...sadakon par pani ikatha ho jata hai.....keechad.....traffic jams.....lekin phir bhi mujhe pasand hai barish.......
Aaj bhi subah traffic jam main ruki hui car ke sheeshon par phisalta pani...car ki chat par padti boonden.....sheeshe par bahti barish ko maine hath se choone ki koshish ki.....hathon mein pakadne ki koshish ki.........mere chehre par smile thi........tabhi kisi ne yad dila diya 'KAL'.......pani ka rang achanak lal dikhne laga.....smile gayab ho gayee...mumbai......shrinagar...blasts....!!!
Mumbai ki charcha hai...shrinagar..ki utni nahin......??
100 se zayada log bemaut mare gaye...lekin.....bache hue ..aab bhi apni raftar main daud rahe hain...jaise kuch hua hi nahin...kabhi lagta hai.....ye taqat hai....log dare nahin atank se...kabhi lagta hai...ye ant hai samvedna ka.....aab in blasts ke sath hamari samvedna aur chetna...bhi cheethdon main ud gayee..hai...hum machine bun gaye hain.........apni roti...apni daud....!!
Chalo mur gaye kuch log....woh to aab aam hai....ismen naya kya......dilli mein bhi to hua tha diwali par blast ..! phir banaras ke sankat mochan mandir mein ............humen office jana hai......bhagna hai....bhago...!! jab tak kisi aur blast mein.....cheethde hamare na hon..bhago.......bhago...daudo...samvedan heen machine.......jao office...dekho TV par badal do chanle......samachar kuch khas nahin...hue hain kuch blast jaise pahle hue they...phir honge.......
kyun??? 08 julio sunanda ...aur hum..Sunanda.......itni sthirta...kissi bhi insaan main kaise ho sakti hai......yahan sawal purush ya stree ka nahin hai....pati ya patni ka nahin hai.....ek insaan ka hai.....apni gareebi aur pariwarik zindgi ko to woh poori tarah jeeti gayee......yakeen maniye.....zinda thi woh....jise aap 'live wire' kahte hain....use shikayat nahin thi....uparwale se bhi....hamesha hansti khilkhilati...bahut ameer thi woh.....mun se...
Lekin uski wajah se hi pahli baar mahsoos kiya maine ki maun aur sthirta main bhi bahut halchul ho sakti hai....aaj tak hai..mere bheetar.....shayad hamesha rahegi....pata nahin....main Gulzar nahin....na hi Tagore isliye shayad woh bata nahin sakti jo thee sunanda !!
07 julio sunandakai salon se uski yadon ka bojh leke jee rahi hun...........kai baar doston ko sunayi hai uski kahani..lakin bojh nahin utra....shayad use kabhi bhula nahin sakungi....sunanda...yahi tha uska naam. pune army hospital main hui thi usse mulakat....cancer ward mein ...hum dono sabse kum umr ki ladkiyan thin ...shayad isliye dono ki dosti ho gaye.....marathi mili hindi bolti thi woh...shadi ko shayad saal hi hua tha....ya nahin..yad nahin....aur kandhe main dard ki shikayat....cancer par ja kar khatm hui...uska dahina hath kandhe ke sath alag karna pada.....lekin ye kahani us lachar aur masoom sunanda ki nahin.......isliye agar apke mun mein daya ka bhaw aa raha hai to use thoda rok ke chalen...
gareeb maa baap ki sunanda apni zingi mein bahut khush thi....maa bidi banane ke karkhane main kaam karti thi aur pita bailgadi chalate thye..hmm...acha army ki naukri karne wala damad pakar dono ne khud ko dhanya samjha....aur sunanda chali gayee sasural ! pati army main thyee....zada samay border par posting rahti ..lekin sunanda must thi....chote dewar ke sath milker shatarat karna .....ghar ke piche wale bagh mein ped par chadhna..aur sas ki dant khana.....sab kuch theek tha .....lekin dahine kandhe ka dard pareshan kar deta!
is baar pati jab chuttiyon mein ghar aye to use haspatal le gaye..aur phir pune army hospital ke lambe din....doctor ne bataya....hath ko nikalna hi hoga operation kar ke.....lekin phir ek nakli hath lagaya ja sakega aur sunanda dheere dheere seekh jayegi uska istemal karna.....hmm.....sunanda maan gayee...ek hath se apne balon ko sanwarna....apne kapde pahanna...seekhna shuroo kar diya....hans ke kahti....acha hua abhi ye sab ho gaya...warna..agar bacha hota mera to kaise sambhalti.......!! ek din sunanda ki maa jo uski dekh rekh karne ke liye paas hi rahti thi...pareshan ...ro ro kar sabko bata rahi thi ....use khabar mili thi uske damad ki shadi ho rahi hai.......!!..hmm..doosri shadi......sunanda chup thi......
kai logon ne salah di....compensation.....ajeewan kharcha..talak........police case....panchayat......jhagda....lekin sunanda chup....
operation kamyab hua....sunanda theek thi...lekin abhi uska ilaj lamba chalega....hmm....isliye haspatal mein hi milne aya uska pati......aur usne poocha sunanda se.....kya woh dusri shadi kar sakta hai...'sunanda ke liye'......aur janti thi sunanda, ki...shadi to ho chuki....aur ab woh chahta hai uski sweekriti ki muhar !!...lekin sunanda..chup..... sunanda...ab bhi yaad hai mujhe.....kyunki......woh tooti nahin...ya phir ekdum toot gayee....pata nahin...lekin...royee nahin..gidgidayee...nahin....badla nahin liya.....gusse se cheekhi nahin........bus ye shabd yaad hain......jo apna tha jab woh nahin raha ...to kisi bhi shikayat se.....jhagde se kya faida!! main aaj bhi sochti hun....kis mitti ki bani thi woh.....kahan hai...kaisi hai...hai bhi ya nahin......pata nahin....aaj kai salon baad bhi uski yaad meri sansen rok leti hai...nazar dhundhli kar deti hai......aur...shabd maun ho jate hain.....aisi thi ...........sunanda!! |
|
|
