Perfil de pratimapratima's spaceFotosBlogListasMás  |  Herramientas Ayuda |
|
|
24 julio cigrette ki umr aur zindgi :) :)
kuch baten jo usey kahney ka rasta nahi .....
kahni hi chahiye yahin...
cigrette aur rastey ....
dhuyen aur modon sey guzarti zindgi....
main tum aur sabhi chahtey hain
bun len dhagey apneypan key..
lekin mod mud jatey hain ...
dhunan chant jata hai...
aur hum ..tum .....apni apni ..
Deewaron mein phir kaid .....
kya karen....
ehsah tabtak hi tha...
jabtak cigrette thi ......
waqt hi woh cigrette ka tha....
Zinda rahey sirf cigrette key..
jalney aur bujhney key beech ...
24 septiembre uska ek aur dinUse guzre Saal nahin guzra abhi........zindgi ruk gayee.....phir bhi nahin ruki....uljhi si khichi ja rahi hai....
Do bachon ki zimmedari, rozmarra ke kharch...sabne milkar jakad rakha hai.....shahar ke sath...zindgi ke sath ...mumbai ke sath..aur woh jaise subah sham local train ki bheed ke bech ghiri apne aap chali ja rahi hai........
kahin sukoon nahin milta...koshish to karti hai........isi koshish mein aaj bachon ko layee hai ghumane........is sea beach par.....promise jo kiya tha...hmm......Veenu ko bhel chahiye...Peehu ko vada pao.........Veenu swimimng karna chahta hai to Peehu reet se ghar banana chahti hai.....
woh dekh rahi hai...sun rahi hai..chehre par muskan bhi chipka rakhi hai......phir bhi kahin door hai..........jaise jud ho gayee ho...aas pas ki duniya guzar rahi hai...par woh jaise kanch ke cubical mein band hai.......sabhi kuch paas se guzar jata hai......use kuch choo nahin pata.......
hawa bhi nahin..........
Mamma dekho Veenu ne mera ghar tod diya ..........Peehu ne use wapas jod diya tha tha vartaman se...........uski ankhon mein ansoo they...aur Veenu ki ankhon mein shararat.....
Usne aspas dekha sham dhal rahi thi .........."Chalo ab ghar chalen"
-----Nahin Mumma.......poora sun set dekhne ke baad.......Peehu ne zid ki......
Teenon sooraj ko gend k tarah samundar mein doobta dekhne lage...........
----mamma...ye sunset ki golden light Photography ke liye best hoti hai na....Peehu ne dadi umma ki tarah kaha...
"tumhe kisne bataya ?"
Papa ne......
----Mamma papa ki yaad ati hai.......Veenu runansa ho gaya....
"papa to hamare sath hain beta.......jo earth se chale jate hain woh star bun jate hain"
"han mamma...dekho woh star ....woh papa hain na....!!"
"Haan'
" I Love you papa" Veenu ne ek flying kiss asmaan ki aour uchala.......
I love you papa.......Peehu ne sirf smile kiya.........
dono maa se lipat gaye.....
uski ankhon mein Chamkeele ansoo they........
Ek aur din guzar utar gaya ta........kisi karz ki tarah......... 07 septiembre vishnu ka happy birthday..Vishnu kal 5 years ka ho gaya !! ..hmm...5 years ka hona kitne garv ki baat hai......(pata nahin kub hum Umr badhne par khush hota band kar dete hain........)...aur aab Vishnu...Krish banna chanta hai.....birthday cake par likha hai 'happy birthday Vinsnu Krish'...sabko hidayat deta hai Vishnu...sub mujhe Krish bolo.....main ab 5 years ka ho gaya hun....
Dada ji ka gift Vishnu hi nahin uske papa ko bhi bahut pasand aya......Lekin Vishnu sabko bata hai....Birthday par Hawan karna padta hai...nanaji karte hain..!!
Kuch dinon pahle Vishnu.......janmashtami par Krishn leela ki jahankiyan dekhne gaya...dadi ji ke sath.........aur wapas aa kar bola.....'
papa woh band aid se pahle kya lagate hai.....?
papa ne guess kiya---savlon.....!
han ...Par savlon kisse lagate hai...?
papa--cotton?
Vishnu khush ho kar bola...'.han....woh baby puppet cotton kha raha tha..!!!'
...hmm...nahin samjhe aap bhi..hehe...Vishnu ko koi buddhu nahin bana sakta......Krish baal roop mein makhan kha rahe they....aur makhan cotton se bana tha...Jhanki mein...!!
ye tha...MALGUDI DAYS..nahin...VISHNU DAYs ka ek episode..... 04 septiembre devdas ....windows live spaces is too...slow......
hmm....Dev das dekhi....Dilip kumar..Vaijanti mala...
ek achi ...bahut achi film......lekin samajh mein nahin aya......Dev das mein aisa kya tha,,,ki paro...(parvati) aur Chandra mukhi uski deevani theen.........aur kyun Dev das....dono ko paa kar bhi bhatakta raha.........bhagta raha......sharab mein doobta raha.......agar us waqt ke samaj ko zimedar manen...to kyun davdas ke ane ki khabar pate hi Paro palki lekar uski khoj khabar lene pahunch jati......aur Chandra mukhi bhi....Devdas ka samachar na milne par...uski khoj mein uske ghar chali gayee.......
Hamesha aurat ko samaj ne bandh kar...daba kar akha..phir bhi.......kadam badhane ki jub baat ayee....Paro aur Chandramukhi age ayee....Devdas bhagta raha..........
apka kya khayal hai... 31 agosto kuch nahin... aaj kuch nahin hai....
kuch bhi nahin zahen main.....
pata nahin kyun......
dil main...dimag main..
..kuch nahin....
aaj kuch nahin kahna......
.shayad.....
.kuch bhi nahin.......
kuch acha nahin...
bura nahin....
kahli nahin...
bharanahn...
bus kuch nahin yun hi...
.aaj kuch bhi nahin....
kya sach mein kuch nahin???? 12 julio aajaaj dilli mein barish ka doosra din tha.....khubsoorat....kyunki mujhe barish pasand hai....bahut pasand hai........hmm.....raston par...sadakon par pani ikatha ho jata hai.....keechad.....traffic jams.....lekin phir bhi mujhe pasand hai barish.......
Aaj bhi subah traffic jam main ruki hui car ke sheeshon par phisalta pani...car ki chat par padti boonden.....sheeshe par bahti barish ko maine hath se choone ki koshish ki.....hathon mein pakadne ki koshish ki.........mere chehre par smile thi........tabhi kisi ne yad dila diya 'KAL'.......pani ka rang achanak lal dikhne laga.....smile gayab ho gayee...mumbai......shrinagar...blasts....!!!
Mumbai ki charcha hai...shrinagar..ki utni nahin......??
100 se zayada log bemaut mare gaye...lekin.....bache hue ..aab bhi apni raftar main daud rahe hain...jaise kuch hua hi nahin...kabhi lagta hai.....ye taqat hai....log dare nahin atank se...kabhi lagta hai...ye ant hai samvedna ka.....aab in blasts ke sath hamari samvedna aur chetna...bhi cheethdon main ud gayee..hai...hum machine bun gaye hain.........apni roti...apni daud....!!
Chalo mur gaye kuch log....woh to aab aam hai....ismen naya kya......dilli mein bhi to hua tha diwali par blast ..! phir banaras ke sankat mochan mandir mein ............humen office jana hai......bhagna hai....bhago...!! jab tak kisi aur blast mein.....cheethde hamare na hon..bhago.......bhago...daudo...samvedan heen machine.......jao office...dekho TV par badal do chanle......samachar kuch khas nahin...hue hain kuch blast jaise pahle hue they...phir honge.......
kyun??? 08 julio sunanda ...aur hum..Sunanda.......itni sthirta...kissi bhi insaan main kaise ho sakti hai......yahan sawal purush ya stree ka nahin hai....pati ya patni ka nahin hai.....ek insaan ka hai.....apni gareebi aur pariwarik zindgi ko to woh poori tarah jeeti gayee......yakeen maniye.....zinda thi woh....jise aap 'live wire' kahte hain....use shikayat nahin thi....uparwale se bhi....hamesha hansti khilkhilati...bahut ameer thi woh.....mun se...
Lekin uski wajah se hi pahli baar mahsoos kiya maine ki maun aur sthirta main bhi bahut halchul ho sakti hai....aaj tak hai..mere bheetar.....shayad hamesha rahegi....pata nahin....main Gulzar nahin....na hi Tagore isliye shayad woh bata nahin sakti jo thee sunanda !!
04 julio kuch aur betarteeb baten...hmm.........Mumbai mein barish...aur Dilli mein ek dum sookha.....bahut be-insafi hai...!! kyon hai na.....par kya karen...agar woh sab ko sab kuch de de do use kaun poochega...?
waise apko kya lagta hai...woh jo uparwala hai..woh bhi yahi chahta hai ki use sab nahi to kuch log zaroor puchen......usko bhi apne astitva ko pahchanne ke liye doosre ki pooch chahiye....?
kya kahte hain aap.....hota hai koi upar....ya sabhi our...ya nahin hota ..hmm.....jub bhi ye prashn mun mein uthta hai ek wakaya yaad aa jata hai....waise kuch naya ya unique nahin..phir bhi pata nahin kyun itne salon ke baad bhi bhula nhain payee hun....
Meri ek dost thi...thi..yani thi..aab is duniya mein nahin...kai saal hue....jub woh beemar thi to ek hospital mein dakhil thi.....hmm....kya hua tha...kidney main problem....waise...kyun hui problem...pata nahin..khair...........
woh hospital mein thi...hum do dost usse milne jate they...aur hamesha hospital ke compound main ek peepal ka ped tha uske neeche baith khoob gappe marte they....(usee kafi dinon tak rahna pada tha...wahan).....kisi dekhne wale ko pata nahin chalta ..ki humme se koi mareez bhi ho sakta hai....us ped ke neeche kuch patharon ko ikatha kar ke.. kuch .... phool dhoop...sindoor...wagarah ....yani ki wahan ek mundir tha.....jaisa aksar sadak ke kinare bhi hota hai.......road side temple..!!
ek din jub hum wahan baithe baten kar rahe they...ek admi tez kadmon se chalta hua wahan aya aur un patharon ke pas baith kar rone laga....hum teenon chup....woh zor se rota raha...sir jhukaye..phir apni jeb se kuch paise nikalkar...wahan rakhe .......ansoo poch kar utha aur wapas chala gaya...!!!...hun teenon dost..chup....bahut der tak.... kuch na kah paye..na kuch soch payee....
ye baat jub bhi yaad ati hai...lagta hai.....uparwale ka hona....zaroori hai....bahut zaroori.....agar woh nahin bhi hota to bhi hamare vishwas ka hona zaroori hai........vishwas ka ki hum akele nahin...woh hai..!!
us din us insaan ka shayad koi bahut kareebi guzar gaya tha....woh bhawnaon ke bhawar mein is kadar uljha hoga ki.....sub dhundhla ho gaya....phir woh aya un pattharon ke paas....apne mun ka gubbar nikala.....kuch sikkon ka dhanyawad kiya.....aur chal pada woh sametna jo bacha tha........
agar uska woh vishvas nahin hota un patharon main....ya kisi uparwale main.....to woh insaan shayad wahin khatm ho jata...!!!
isliye...uska hona zaroori hai...agar woh nahin hota to bhi..zaroori hai..!!
ye thi kuch aur betarteeb baten..kya kahten hain aap??
26 junio azadi khatm !!hhmm......aaj meri azadi ka akhri din tha...aj nahin kal tha......pichle kuch mahine...bahut maze mein beete.....
subah late uthna....kabhi kabhi jaldi bhi....lekin kisi baat ki jaldbazi nahin....aram se subah ka maza lena...chai ki chuskiyon ke sath...!!!
pichle kuch maheene aise hi behad sukoon se beete.....kyon....? are yaar ghar par thi.....naukri nahin kar rahi thi...sirf maze.....hmm.....ye naukri kyun karni padti hai yaar.....paise kyun chahiye life mein???....hmm...pata hai jawab....mujhe bhi.....lekin..phir bhi KYUN???
aab kya karun???...ap sabko batati hun kya kiya...dil ko tasalli milegi....kum se kum kuch maheenon ke liye woh kiya jo sari zindgi karna chati hun...ghumna.....padhna....doston ke sath betarteeb si baten karna....asmaan ki rangat dekhna.....barish mein bheegna.....lambi sadak par akele der tak....walk karna...(aap yeh to nahin soch rahe ki sadak to lambi hi hoti hai...isme naya kya?)..........patchad mein pedon ki reedh rekhna....phir naye patton ki badalti rangat......phoolon ko dekhna.....bachon se baten karna....
..................................................uhmmm.....ye din.....khubsoorat din......pata nahin kub laot ke ayenge!!
bachon se baten.....
 bahut achi hoti hain.....hmm...aap jo bhi bolen....bus dil se bolen.....woh participate karte hain.....aab aap kitne craetive hain....ye aap par nirbhar hai....ek shaam....dhool bhari andhi ke baad...main farsh par pani dal rahi thi....aur...pados mein rahne wala 7 saal ka honey....aya....humari baten kuch aisi thi..
honey-- kya kar rahe ho aap?
main--pani dal rahi hun...
honey-- kyun?
main--tairne ke liye..
Honey-Itne se paani main kaise tairoge ap?
main-- fish ki tarah !!
honey--fish ? woh to choti hoti hai....uske to fins hote hain...
main--mere bhi hote hain....raat ko main fish bun jati hun..
honey-- hehe...na..aisa nahin hota...!! aap to ladki ho fish nahin !!
main-- nahin? kyun....Little Mermaid nahin dekhi...Ariel.....bhi to fish hai aur ladki bhi!!
agli subah maine dekha honey neend se bhari ankhon se balcony se jhak raha hai.....phir door bell baji.....
honey-----maine dekha balcony se aap fish nahin they...!!
main--hmm....kaha to tha raat ko banti hun mermaid....din mein to ladki hi banke rahna padta hai.....!! ye secret sirf tumko pata hai..!! hmm...
honey school nahin jana.....chalo taiyar ho jao....beta !! ( honey ki mummy ki awaz ayee )
aur honey daud gaya...mamma.....mermaid pata hai.... apko..!!
************abhi tak padh rahe hain aap??...hehe..he...aisi hoti hain betarteeb si baten!!
16 junio chuttiHi friends,
aap logon ne bahut hi achi kavitayen likhi hain......hmmm......game actualy jaisa hai waisa nahin chala yahan lekin.......koi baat nahin....bahut khoobsurat khayal....aine aur chehre par.....
i have just visited a van utsav camp.....enjoyed....am still on chutti....thodi aur...(waise chutti jitni ho utni kum hai......hai na!!)
 ......hope to post a great new entry on 22nd......and i promise to visit all your spaces..read and comment.....dil se... ..........aur agar aap naya kuch likna chahen to....apki lines hain.....jungle badal barish aur hum.....
    dum dama dum dum dum dum....
ajeeb si lagen lines to sorry.....but....this is where i am...and how i feel....... i will write my kavita on these lines and post on 22nd....
tab tak app.....enjoy karen ....smile karen......
bye!! 03 junio thanQpichle do dinon se dilli ka mausam bahut acha ho gaya hai...........kuch kuch...shimla jaisa......(waise main shimla kabhi nahin gayee..par aisa suna hai..)........
 ...hmm........to is khubsurat mausam main....ek long walk ka maza hi kuch aur hai..........to is ache mausam mein akele lambi sadak par chalte hue.....kuch mod aise liye jahan pahle kabhi nahin mudi thi...aaj bhi koi kaam nahin tha wahan......bus mausam acha tha....aur bheetar ke banjare ne kaha chalo.....main chal padi....hawa ko mahsoos kiya.....halki boondon ko.....badlon ko dekha.....park mein khelte puppies ko.....chidiyon ko......phir bhagti cars ko..........hmmm
aur mun mein khyal aya.........kya?....kuch clear kahayl nahin....waise hi...lekin acha sa......badlon ko dekha to apne aap dil ne kaha thanQ !!
phir socha......thanQ? kise......un sabhi logon ko.....jinhe....kabhi nahin kar payee.....aur shayad ....chodo!!
hmm.....to ThanQ....
Ishwar ko........usne mujhe ehsas diya ki main.....mahsoos kar sakun.....dhoop -chaon-hawa-barish-ret samandar-sukhe aur harilyali ko........ThanQ!!
Meri ex-boss ko......jinki wajah se aaj main dikhawa- asliyat-respect aur chaploosi ke fark ko mahsoos kar sakun..ThankQ
Meri dost ko jisne mujhe apni seemaon ka vistar karna sikhaya........mun ki..........buddhi ki ..sabhi seemaon ka......ThankQ shilpi!
Meri doosri dost ko......jisne .......mere bheeter ke banjare ke hath mein mashal di aur use nidar banaya....ThankQ julie....
Ek aur dil ke rishte ko..........jisne mujhe apne aap se milaya......ThankQ bobo.........
Mujhe prayer karna nahin ata........lekin sochti hun aap sabko ehsas mile........ThankQ....aapne yahan tak betuki baton ko padha....
bus zindgi ko thankQ...
Doston ko ThankQ...
sabhi pedon..pahadon...nadiyon...badlon..boondon...chidiyon...hawaon ....muskurahton..ko THANKQ!!! 16 mayo week end lessons with VishnuVishnu, my nephew is almost 4 , he was with me for the wk end .....and these are the few observations....and the questions i asked myself ...hope you agree with me........ do let me know your comments !!!
1. This was how Vishnu gave his introduction to his new friends.
--tera naam kya hai?
--Vishnu
--pura naam bata ..
----Vishnu bhagwan !!
--haa..heeh hoo..Vishnu bhagwan?? !!
--Haan mere papa ne bataya hai mera naam Vishnu bhagvaan hai !!
And i thought........"AHAM BRAHMASMIN" ...'i am thee'......how many of us have the confidence to say that....and the faith!!
will Vishnu have the same confidence when he grows up..do i have.......!!
2.---Bua mujhe tepsi peeni hai!!
---Tepsi ? yeh kya hoti hai?
---woh ek bottle mein color. hota hai pani jaisa.....acha wala...!!
----hmm...!!
I give him some orange squash in a bottle, obviosly it is not "Tepsi" (pepsi)
--yeh kya hai...??
--doosre color ki tepsi....achi wali..
--and his eyes shone......are wah achi wali !!
kuch der baad........aur doosre color ki tepsi de do bua..!!!
why arent we so called grownups that open to new colors.....moments.....opportunities......to life !!
why do we become stiff with our expectations.....??
3.sare ghar ke cushions ,takiye ,toys..............room ke beech mein rakhe hain. i try to pick them up for re- aranging.
---Bua ye mera nest hai !!
--Nest??
--haan !!....mere sare dost ..micky tedy...bunny...chota teddy, monkey..sab mere sath isme rahenge !!
aisa bolkar woh sabke beech mein laddu sa bun kar baith jata hai......
---aur main?
---aap bhi rahna !!
.........how many of us can share our spaces that easily......!!
4.
--Bua doodh peene se main bada ho jaunga ?
--han !
--aur pani peene se ?
--han!
Abhi 5 yrs ka hai.......woh bada hai mujhse !!?
--han , doodh pee kar aap bhi bade ho jaoge abhi ki tarah !!
as soon as Vishnu finishes the glass of milk........runs exitedly.....with the news.........
---Abi main bhi bada ho gaya teri tarah !!
do we allow our selves to grow that easily....with evey moment of life.........!!?
|
|
|
