kaisa lagta hoga unhe...jo zindgi guzaar dete hain..lekin jee nahin pate......shayad aisa...

ek hi dhoori par

ghoomta raha hun..

jaane kub se..

kai baar dekhna chaha..

paar se guzarti duniya ko..

kai rang nazar ayee

dhundhalke main..

kuch jaan pata..

ya..

koi pratikriya ho pati..

tub tak..

guzar gaya ek

sampurn kaal..

aaj..

jub ghis gayee dhoori

swam hi..

ruk gaya main

aur paya..

ki..

zindgi bhar..

ghoomne ke baad bhi

wahin khada hun..

usi apni dhoori par!!

(sadiyan guzar gayee hain)

Kaun jaane sadiyan guzri bhi hai ya nahi,
Unki yaad ka har pal sadiyon ki tarah hai,
Unki aas ki sadiyan bhi ek pal se kam hai,
Jab woh baasuri ka sur mere saath hai,
Phir mujhe kya ghum hai??
 
Kaun kehta hai mein sadiyon se yahaan yunhi,
palke bicchaye baithi hoon,
jab krishna samagra bramhand ki parikrama kar rahe the,
tab unke hriday mein , unke man mein,
unki baasuri ke sur mein woh mujhe hi to bhar rahe the...
 
log kehte hai ki radha mohan ke,
intezaar mein hi leen hai
woh kahaan jaante hai ke radha mein hi
mohan vileen hai
 
yeh log jhoothe hai jo kehte hai
ke Radha Krishna ka intezaar kiye jaati hai,
Sach to yeh hai ke ki mohan bin adhuri radha,
apne hi intezaar mein jiye jaati hai...
(preet0 sadiyan guzar gayee hain

(rang)

Kaun jaane khuda ko in rangon ka khayal kaise aaya hoga,
usne bhi inhe apne armaano se churaya hoga,
Kucch dard se, kucch karaar se, kucch krodh se, kucch pyar se,
In sab bhavanao ko usne bhi milaaya hoga,
Aur jaise hi woh bhavna se bani jaadui pudiya,
Dharti par aakaar khuli hogi,
Hawaon mein khushbu ghuli hogi,
Tabhi aasmaan mein indradhanush chhaya hoga,
Khuda ne apne armaano ka gala ghot kar hi,
in rango ko banaya hoga....

(vartalap)

Woh khamoshi se hume gair banaana chahte hai,
aur hum khamosh rehkar unhe kucch bataana chahte hai,
hum dono yunhi khamosh baithe hai,
hum paas aana chahte hai, woh dur jaana chahte hai...

to ye tha priyank ka ckakkar.......isme woh kavitayen (comments ) shamil nahin jo as blog enrty publish ki gayee hain....